Vigezo, Masharti na Sera ya Faragha

Kwa kufikia, kusajili akaunti au kutumia jukwaa la NyotaStream kupitia tovuti au programu yetu, unakubaliana na mwongozo na vigezo vilivyoelezwa hapa. Lengo letu kuu ni kukupa wewe mtumiaji uzoefu wa kipekee wa utazamaji wa filamu, tamthilia na vipindi vya moja kwa moja kwa ubora wa juu kabisa.

Ili kulinda akaunti yako na kuzuia matumizi yasiyo halali, kila akaunti ya NyotaStream inaruhusiwa kuunganishwa na vifaa visivyozidi 3 kwa wakati mmoja, kwa mfano simu yako, kompyuta yako na runinga yako. Una uhuru kamili wa kuondoa kifaa cha zamani na kusajili kipya kupitia ukurasa wako wa Wasifu wakati wowote unapotaka.

NyotaStream inakuwezesha kulipia huduma kwa njia mbili zilizo wazi:

• Vifurushi vya Uanachama: Vinakupatia uhuru wa kutazama filamu, tamthilia na Live TV zote bila kikomo kwa muda uliochagua, kuanzia Kifurushi cha Siku, Wiki au Mwezi.
• Ununuzi wa Filamu Moja kwa Moja: Unapata fursa ya kununua na kumiliki filamu maalum kwa bei iliyopangwa na kuitazama mara nyingi upendavyo bila kulazimika kuwa na kifurushi cha mwezi.
• Miamala yote inachakatwa kwa usalama kupitia mitandao yote ya simu Tanzania ikiwemo M-Pesa, Tigo Pesa, Airtel Money, HaloPesa pamoja na Kadi za Benki.

Usiri wako ni heshima yetu. Hatutoi, hatuuzi wala hatugawani namba yako ya simu, historia yako ya utazamaji au taarifa yoyote ya akaunti yako kwa mtu mwingine au mashirika ya nje ya kibiashara. Taarifa zako zinatumika tu kuthibitisha kuingia kwako na kukuwezesha kufurahia maudhui uliyoyalipia.

Filamu, tamthilia, nembo na vipindi vyote vilivyopo kwenye NyotaStream vinalindwa na sheria za Hakimiliki. Mtumiaji anaruhusiwa kutazama na kudownload kwa ajili ya matumizi binafsi ya kiburudani, na haruhusiwi kunakili, kusambaza au kuuza maudhui haya bila kibali rasmi.